Lirik Lagu Leni Alvin - Bungo Lupo Diri
Sabatang bungo tumbuah di laman
Badaun rimbun rancak rononyo
Banyak mato nan ba angan angan
Lai ko buliah nak mamatiaknyo
Bungo ba jago pagi jo patang
Acok ba pupuak nan jo basiram
Cameh kok ado kumbang nan datang
Takuik bungo ko , kok hilang malam
Urang panjago sadangnyo lengah
Kumbang ta dayo nan dek harumnyo
Bungo nan jombang kini manyarah
Kumbang ba rabuik isok madunyo
Kini ko bungo lah lupo diri
Indaknyo tenggang nan mamupuaknyo
Urang panjago lah gigik jari
Bungo nan jombang lupo jo jaso