Lirik Lagu Village Rap - Sekarang Dari Ko
INTRO:
Percuma kalau trus bersama
Tra mungkin tong dua bahagia
Karna, karna sa pu hati su banyak terluka
CHORUS:
Sekarang dari ko mo pilih bagaimana
Sa su tra bisa lagi untuk paksakan rasa
Mana yang ko mau sa su pasti terima
Jujur saja sa tra kuat jika trus bersama
Putus atau lanjut itu dari ko saja
Su terlalu banyak sakit yang sa terima
Sa ingin istirahat lepas dari semua
Ingin lupa ko wajah kisah juga tong cerita
VERSE 1:
Jang ko anggap mudah bertahan deng ko
Sa pusing dengan ko pu tingkah tuh sio
Sekarang ko sayang, besok ko benci sa
Ko pu sifat tuh yang bikin sa menderita
VERSE 2:
Sekarang terserah, ko mo pilih yang mana
Lanjut atau sampai sini itu dari ko saja
Sa ingin lepas dari derita
Tra ada bahagia yang sa rasa
Sa tra menyesal jika tong pisah
Karna memang, sa tra ada merasakan sedikit pun bahagia
CHORUS:
Sekarang dari ko mo pilih bagaimana
Sa su tra bisa lagi untuk paksakan rasa
Mana yang ko mau sa su pasti terima
Jujur saja sa tra kuat jika trus bersama
Putus atau lanjut itu dari ko saja
Su terlalu banyak sakit yang sa terima
Sa ingin istirahat lepas dari semua
Ingin lupa ko wajah kisah juga tong cerita
VERSE 3:
Jang paksa hati jika memang
Sa bukan lagi yang ko senang
Haruskah ko bikin sa begini
Terus dan terus sa ko sakiti
Sa pasrah sudah yang kan ko beri
Rasa ni hancur ko tikam hati
Apa mungkin sa yang terlalu dalam
Lalu ko siksa tanpa ada beban
Jika sekarang harus berpisah
Sa terima dengan lapang dada
Ko dengar sa, kalau saya
Su tra nyaman dengan ko su lama
Karna ko selalu bikin sakit
Luka ni dalam sa rasa pahit
Macam virus sakit su menjangkit
Mo rasa bahagia sungguh sulit
BRIDGE:
Sekarang dari ko
Sa terlalu cintakah memang sa bego
Luka yang dalam ko kasih sa slalu tahan
Tapi sekarang, jujur sa tra mampu bertahan
Sa pasrah deng apa yang kan ko putuskan
VERSE 4:
Luka su terlalu dalam
Bukan satu kali ini sudah ulang-ulang
Ko mo bikin bagaimana lagi sa ikut
Ko bilang berubah tapi ternyata cukup
Semua su redup ah jang paksa lanjut
Kalau su tarada rasa baik tong tutup
Sakit yang sa rasa terlalu pedih
Crita ni singkat boh terlalu sedih
Su terlalu sedih, luka ni berlebih ado
CHORUS:
Sekarang dari ko mo pilih bagaimana
Sa su tra bisa lagi untuk paksakan rasa
Mana yang ko mau sa su pasti terima
Jujur saja sa tra kuat jika trus bersama
Putus atau lanjut itu dari ko saja
Su terlalu banyak sakit yang sa terima
Sa ingin istirahat lepas dari semua
Ingin lupa ko wajah kisah juga tong cerita