Lirik Lagu Miftah Wahdini - Dendang Kajai
Tanjuang beruang karimbo batu
Lubuak sariak sabalun pasa lamo
Disinan kito saliang batamu
Manjalin rindu maungkai raso
Jalan bakelok di kampuang alang
bajalan taruih nan kalimpato
Samo bakaba kaburuang tabang
Sampaikan juo rindu nan manyeso
Mudiak simpang da jo timbo abu
Nan bapunyo ikan larangan
Taragak denai da yo nak batamu
Apo kadayo badan bajauahan
Nagari kajai pasa salaso da
Golang sorawen pameonyo
Walau pun kito tapisah jauh da
Bialah dimimpi batamu juo
Gunuang gadang gunuang talamau
Di dalamnyo batalago
Do'a denai ka uda dirantau
Denai yo indak ka balain raso