Lirik Lagu Anyqu - Sakik Diumbuak Janji
Bamulo kito yo da batamu
Ulah dek raso pandang partamo
Cando ka iyo ka tumbuah rindu
Kiro nyo denai nan harok surang sajo
Tadanga kaba urang sampaikan
Uda sabimbiang kasiah nan lain
Kama lah ibo denai suruak kan
Baisak tangih cinto bajalin
Hari ka hari kito lalui
Kini tiado arati
Sakik jo sanang samo dijanji
Nyato di balakang uda pungkiri
Uda nan datang mambari janji-janji
Nyato nyo uda pulo nan mandutoi
Ba'a lah indak sakik rasonyo hati
Talukoi urang nan dicintoi
Apo salah diri nanko uda
Mako batikam di ulu jantuang bana
Dima tampak latak kurang nyo denai
Mangko batulak nan jo parangai